Cofnodion cryno - Y Pwyllgor Deisebau

Lleoliad:

Ystafell Bwyllgora 1 - y Senedd

Dyddiad: Dydd Mawrth, 2 Chwefror 2016

Amser: 09.01 - 09.41
Gellir gwylio’r cyfarfod ar Senedd TV yn:
http://senedd.tv/cy/3349

Yn bresennol

Categori	Enwau
Aelodau’r Cynulliad:	William Powell AC (Cadeirydd) Russell George AC Lindsay Whittle AC (yn lle Bethan Jenkins AC) Joyce Watson AC
Staff y Pwyllgor:	Steve George (Clerc) Kath Thomas (Dirprwy Glerc) Gill Eveleigh (Dirprwy Glerc) Katie Wyatt (Cynghorydd Cyfreithiol)

<AI1>

Trawsgrifiad

Gweld trawsgrifiad o’r cyfarfod (PDF102KB) Gweld fel HTML (80KB).

</AI1>

<AI2>

1 Cyflwyniad, ymddiheuriadau a dirprwyon

Croesawodd y Cadeirydd bawb i’r cyfarfod.

Cafwyd ymddiheuriadau gan Bethan Jenkins.

Dirprwyodd Lindsay Whittle ar ran Bethan Jenkins yn unol â Rheol Sefydlog 17.48.

</AI2>

<AI3>

2 Deisebau newydd

</AI3>

<AI4>

2.1 P-04-668 Cefnogi Sgrinio Blynyddol ar gyfer Canser yr Ofari (CA125 Prawf Gwaed)

Trafododd y Pwyllgor y ddeiseb am y tro cyntaf a chytunwyd i:

· ysgrifennu at y Gweinidog Iechyd a Gwasanaethau Cymdeithasol yn gofyn am ei farn am gwestiynau manwl y deisebydd, ac yn arbennig, pam nad oes camau'n cael eu cymryd ar unwaith i gyflwyno sgrinio, o gofio bod Treial Cydweithredol y DU o Sgrinio am Ganser yr Ofari (UKCTOCS) wedi dangos y gallai prawf gwaed blynyddol helpu i leihau'r nifer o fenywod sy'n marw o ganser o tua 20%; ac

· argymell bod y Pwyllgor newydd yn ystyried gwneud darn byr o waith ar y mater.

</AI4>

<AI5>

2.2 P-04-669 Diddymwch Ddeddfwriaeth Rhentu Doeth Cymru

Trafododd y Pwyllgor y ddeiseb am y tro cyntaf a chytunwyd i'w chau.  Wrth wneud hynny, ystyriwyd y ffaith bod y Cynulliad ond newydd basio Deddf Tai (Cymru) 2014 ac nad yw wedi cael ei rhoi ar waith yn llawn eto.

</AI5>

<AI6>

2.3 P-04-670 Ffilm am Owain Glyndŵr

Trafododd y Pwyllgor y ddeiseb am y tro cyntaf a:

· chroesawodd yr ymateb gan Weinidog yr Economi, Gwyddoniaeth a Thrafnidiaeth; a

· chytunodd i aros am ymateb y deisebydd cyn ystyried y ddeiseb ymhellach.

</AI6>

<AI7>

2.4 P-04-671 Cyfreithloni Cymorth i Farw

Trafododd y Pwyllgor y ddeiseb am y tro cyntaf a chytunwyd i:

· gau'r ddeiseb o ystyried na ddylai fod wedi cael ei chyfrif yn dderbyniol adeg ei chyflwyno oherwydd yr ymddengys nad oes gan y Cynulliad y pŵer i weithredu'r ddeiseb; ac

· wrth ysgrifennu at y deisebydd, cynnwys linc i'r trawsgrifiad o ddadl y Cyfarfod Llawn ar y mater a gynhaliwyd ar 10 Rhagfyr 2014.

</AI7>

<AI8>

3 Y wybodaeth ddiweddaraf am ddeisebau blaenorol

</AI8>

<AI9>

3.1 P-04-655 Mynnu ein Hawliau i'r Gymraeg yn y Sector Breifat

Trafododd y Pwyllgor yr ohebiaeth ynghylch y ddeiseb a chytunwyd i ysgrifennu at:

· Gomisiynydd y Gymraeg a'r Prif Weinidog i ofyn am eu barn am sylwadau'r deisebydd;

· y Pwyllgor Cymunedau, Cydraddoldeb a Llywodraeth Leol, sydd wedi cymryd tystiolaeth lafar yn ddiweddar gan y Comisiynydd ynghylch y pwynt hwn, i ofyn iddo ystyried sylwadau'r deisebwyr yn dilyn y sesiwn dystiolaeth honno a'r amserlen ar gyfer cwblhau eu gwaith ar y mater.

</AI9>

<AI10>

3.2 P-04-648 Ceisiadau Cynllunio Nwy ac Olew Anghonfensiynol

Trafododd y Pwyllgor yr ohebiaeth ynghylch y ddeiseb a chytunodd i aros i gael y wybodaeth ddiweddaraf a addawodd y Gweinidog a'i hystyried bryd hynny, ynghyd ag unrhyw sylwadau pellach gan y deisebydd.

</AI10>

<AI11>

3.3 P-04-572 Grantiau ar gyfer Gwrthsefyll Llifogydd

Trafododd y Pwyllgor ohebiaeth ynghylch y ddeiseb a chytunwyd i:

· ysgrifennu at y Gweinidog Cyfoeth Naturiol ac Emyr Roberts, Prif Weithredwr Cyfoeth Naturiol Cymru i ofyn eu barn ar y gwahaniaeth sydd i'w weld o ran y camau sy'n cael eu cymryd yng Nghymru a Lloegr;

· disgwyl yr ymateb gan Gymdeithas Yswirwyr Prydain; a

· gofyn am nodyn gan y Gwasanaeth Ymchwil yn nodi'r gwahaniaeth o ran y camau sy'n cael eu cymryd yng Nghymru a Lloegr.

</AI11>

<AI12>

3.4 P-04-547 Gwahardd Deunydd Pacio Polystyren ar gyfer Bwyd a Diod Cyflym

Trafododd y Pwyllgor ohebiaeth ynghylch y ddeiseb a chytunwyd i:

• disgwyl barn y deisebydd;
• ysgrifennu at y Gweinidog Cyfoeth Naturiol yn gofyn iddo roi'r wybodaeth ddiweddaraf i'r Pwyllgor ar y gwaith a gomisiynodd gan Gadw Cymru'n Daclus ynghylch sbwriel polystyren a'i effaith ar yr amgylchedd ac ar bob math o sbwriel arfordirol yng Nghymru, er mwyn canfod meysydd blaenoriaeth ar gyfer eu gwella; a
• rhannu'r wybodaeth a gafwyd gan Gyngor Dinas Rhydychen gyda Rob Curtis, y prif ddeisebydd, a Gill Bell, Rheolwr Rhaglen Cymru ar gyfer y Gymdeithas Cadwraeth Forol.

</AI12>

<AI13>

3.5 P-04-539 Achub Cyfnewidfa Lo Caerdydd

Trafododd y Pwyllgor yr ohebiaeth ynghylch y ddeiseb a chytunodd i aros i gael sylwadau'r deisebydd am lythyr y Gweinidog cyn trafod y ddeiseb eto.

</AI13>

<AI14>

4 Cynnig o dan Reol Sefydlog 17.42 i benderfynu gwahardd y cyhoedd o’r cyfarfod ar gyfer y busnes canlynol:

Cytunodd y Pwyllgor ar y cynnig.

</AI14>

<AI15>

5 Gweithredu ar Ddeisebau Agored ar ddiwedd y Cynulliad Presennol

Cytunodd y Pwyllgor mewn egwyddor y byddai deisebau'n cael eu gadael yn agored i'r Pwyllgor newydd eu trafod yn y Pumed Cynulliad.

Hefyd, cytunodd y Pwyllgor i ystyried rhestr o ddeisebau segur, gyda'r posibilrwydd o'u cau mewn cyfarfod yn y dyfodol.

</AI15>

<TRAILER_SECTION>

</TRAILER_SECTION>

<LAYOUT_SECTION>

1.FIELD_TITLE

FIELD_SUMMARY

</LAYOUT_SECTION>

<TITLE_ONLY_LAYOUT_SECTION>

2.FIELD_TITLE

</TITLE_ONLY_LAYOUT_SECTION>

<HEADING_LAYOUT_SECTION>

FIELD_TITLE

</HEADING_LAYOUT_SECTION>

<TITLED_COMMENT_LAYOUT_SECTION>

FIELD_TITLE

FIELD_SUMMARY

</TITLED_COMMENT_LAYOUT_SECTION>

<COMMENT_LAYOUT_SECTION>

FIELD_SUMMARY

</COMMENT_LAYOUT_SECTION>

<SUBNUMBER_LAYOUT_SECTION>

2.1FIELD_TITLE

FIELD_SUMMARY

</SUBNUMBER_LAYOUT_SECTION>

<TITLE_ONLY_SUBNUMBER_LAYOUT_SECTION>

2.2FIELD_TITLE

</TITLE_ONLY_SUBNUMBER_LAYOUT_SECTION>